عيادتك على «سلامتك»
من التسجيل لحد آخر تقرير

التسجيل على خطوتين: بيانات الحساب، وبعدين الأنظمة اللي محتاجها. لما تفتحه من صفحة «سلامتك» بتكون الدولة «مصر» والعيادة مختارة لوحدها، والأسعار بالجنيه.

الدخول بالبريد وكلمة المرور من أي جهاز: الكمبيوتر في الاستقبال، أو موبايل الدكتور، أو تابلت.

أول ما تدخل، الصفحة بتوريك خمس خطوات وعدّاد التقدّم، وكل خطوة بزرار يفتح شاشتها. بعد ما تخلص الخمسة الصفحة دي نفسها بتتحول للوحة اليوم.

القواعد العامة للعيادة كلها. فوق الشاشة شريط «إعداد العيادة» بيفتح الأطباء والورديات والخدمات والروشتات والغرف والموافقات وسجل الوصول وشاشة الانتظار وصفحة العيادة.

كل حاجة بتتحجز أو بتتحاسب: كشف، استشارة، جلسة، إجراء، تحليل، أشعة أو سونار. القائمة بتوري سعر العيادة ومدة كل خدمة وعدد الدكاترة اللي بيقدموها، وهل تتحجز أونلاين.

بيانات الخدمة الواحدة.

بطاقة لكل دكتور أو أخصائي أو ممرض أو مساعد: تخصصه، ومدة كشفه، ونسبته، وعدد خدماته وورديات أسبوعه.

بيانات الدكتور وقواعده: كشفه واستشارته ونسبته.

هنا بتحدد الدكتور بيقدم إيه وبكام. لو سعره غير سعر العيادة بتكتبه، ولو نسبته في خدمة معينة مختلفة بتختارها لها.

أسبوع كل دكتور: ورديات كل يوم في أي فرع وأي أوضة، والإجازات القادمة. الحجز والتقويم وصفحة الحجز الأونلاين بيحسبوا الأوقات الفاضية من هنا.

وردية أسبوعية بتتكرر.

غياب الدكتور أيام أو ساعات: التقويم بيقفل الوقت، والحجز والحجز الأونلاين بيتجنبوه.

أوض الكشف والأجهزة لكل فرع. الأوضة بتظهر في التقويم (عرض «الغرف») وعلى شاشة الانتظار، وما تتحجزش لمريضين في نفس الوقت.

أربع موافقات جاهزة: معالجة البيانات الشخصية، ورسائل واتساب، والإقرار العام على الكشف، والتصوير الطبي. كل نموذج بإصداره وعدد الموافقين عليه حاليًّا.

عنوان الموافقة ونصها، وهل هي مطلوبة، وحالتها وترتيبها.

روشتات متكررة الدكتور بيحفظها مرة ويستعملها بضغطة من شاشة الكشف: «التهاب اللوزتين للأطفال»، «ضغط مرتفع — بداية علاج».

رابط سرّي لكل فرع بيتفتح على تلفزيون الصالة: بيعرض رقم الدور والدكتور والأوضة وبينطق النداء.

صفحة باسم عيادتك على الإنترنت فيها الدكاترة والأسعار والمواعيد، والمريض يحجز منها بنفسه.

مين فتح ملف مين وإمتى وعمل إيه (اطّلاع، إنشاء، تعديل، طباعة، موافقة) — حماية لبيانات مرضاك على قانون حماية البيانات الشخصية 151 لسنة 2020.

كل الملفات برقم الملف والجوال والسن والنوع والفرع وتاريخ الفتح.

بيانات المريض مرة واحدة، وبتتستخدم في الحجز والكشف والروشتة والفاتورة.

كل حاجة عن المريض في شاشة واحدة.

المريض بيقرا النص ويوقّع بصباعه على الشاشة أو التابلت.

مواعيد اليوم كلها ملوّنة بحالتها: محجوز، مؤكَّد، في الانتظار، عند الطبيب، انتهى، لم يحضر. والوقت اللي برّه الوردية مخطّط.

أسبوع كامل لدكتور واحد: تعرف بسرعة أقرب يوم فيه مكان.

المريض والدكتور والخدمة والوقت، والأوقات اللي بتظهر هي الفاضية فعلًا.

تفاصيل الموعد وكل اللي حصل له، ورابط المريض ورسائله.

مرضى عايزين دكتور أو يوم أو فترة ومفيش مكان، أو عندهم موعد وعايزين أقرب. لما وقت يفضى بيتعرض على أول واحد مناسب.

طلب انتظار لمريض.

شاشة الاستقبال طول اليوم: مين جاي، ومين وصل، ومين عند الدكتور، ومين لسه.

تذكرة 80 مم للطابعة الحرارية: رقم الدور واسم الدكتور والأوضة.

التلفزيون في الصالة بيعرض لكل دكتور الرقم اللي عنده واللي بعده، ولما الدكتور ينادي الرقم يكبر في نص الشاشة ويتنطق.

مريض قدامك ومش محجوز: «كشف الآن» من ملفه بيسجّله حضور بلا موعد ويفتح الكشف على طول.

كل الكشف في شاشة واحدة، والجنب فيه ملخص المريض وزياراته السابقة وقياساته.

روشتة A5 أو A4 باسم الدكتور وتخصصه ومؤهله، واسم العيادة والفرع، وختم العيادة، والتشخيص لو اخترت تظهره.

مستند رسمي من الكشف: النص بيتكتب لوحده من الزيارة بصيغة رسمية مختصرة، وتعدّله.

A4 برقم المستند وتاريخه وبيانات المريض والنص وتوقيع الدكتور والختم، ورمز تحقق.

كل الكشوفات بالمريض والدكتور والتشخيص وعدد الأدوية والحالة.

شاشة الكاشير: الزيارات اللي مستنية حسابها، وفواتير اليوم، واللي لسه ما اتحصّلتش.

بنود الزيارة بسعر الدكتور، وأي خدمة إضافية، وبعدها الدفع والفاتورة.

المريض رجع جوه مدة الاستشارة: الشريط الأزرق بيقولك آخر كشف ومدة الاستشارة لحد إمتى، والبند بيتحط «مجاني» والحساب بيتقفل من غير فاتورة.

باقات جلسات بسعر مخفّض (ليزر، علاج طبيعي، تنظيف): «الكتالوج» للباقات المعروضة، و«المبيعة» لكل مريض وجلساته وصلاحيته.

تعريف الباقة.

بيع الباقة لمريض بفاتورتها وتحصيلها؛ وبعدها كل جلسة بتتخصم لوحدها من حساب الزيارة من غير فاتورة جديدة.

لكل دكتور: اللي يتسوّى الآن (المحصّل كامل)، وكل غير المسوّى، واللي اتصرف الشهر ده، وآخر صرف. وتحت التسويات بحالاتها.

كل بند ليه فيه نسبة: اليوم والبند والأساس والنصيب والفاتورة (محصّلة ولا لأ).

سطور التسوية وإجماليها، والصرف بسند صرف وقيد.

الدكاترة بتخصصاتهم ونبذتهم وسعر الكشف، والفروع ومواعيدها، وزرار «احجز معه».

المريض بيختار الدكتور والخدمة (الكشف بيتختار لوحده)، وبعدين اليوم والساعة من الأوقات الفاضية فعلًا.

صفحة صغيرة للمريض من غير حساب ولا كلمة سر: ميعاده ودكتوره وتعليمات ما قبل الموعد.

لما وقت أقرب يفضى، المريض بيوصله لينك بعدّاد: الموعد محجوز له مؤقتًا.

صندوق الرسائل: تأكيد الحجز، والتذكير قبل الموعد، وعرض الموعد الأقرب، وتذكير المتابعة. كل رسالة فيها لينك موعد المريض.

الصفحة الأولى بعد التجهيز: مواعيد اليوم والمنتظرين واللي خلص والمحصّل والمرضى الجدد مقارنة بنفس اليوم من الأسبوع اللي فات.

أداء العيادة في فترة مقارنة بالفترة اللي قبلها: الإيراد، والمحصّل، والزيارات، والمرضى الجدد، ومتوسط الزيارة، ونسبة التغيب، والإشغال، والحجز الإلكتروني.

24 تقرير في خمس مجموعات: المال، والمواعيد، والمرضى، والطبي، والتواصل.

كل التقارير بنفس الشكل: فلاتر، ومؤشرات، وأعمدة لأهم رقم، وجدول بإجمالي.

ورقة A4 (أفقية لو الأعمدة كتير) باسم العيادة وشعارها، والمعايير، والمؤشرات، والجدول بالإجمالي، ومين طبعها وإمتى، والختم.

من أي شاشة في العيادة اضغط Ctrl+K (أو زرار «ابحث عن مريض أو شاشة» في اللوحة).